يا سيادة المرشح الفلاني
ركز معايا بس ثواني
وافهم صمتي قبل كلامي
ان كنت سلفي او اخواني
ولا مسيحي او علماني
في كلمة على طرف لساني
بفكر طول الليل قلقاني
ليه الكل واحد قدامي
اختلافكم يمكن فالاسامي
لكن ولا ميزة عجباني
تفكركم بطريقه، شايفها و شيفاني
عارفها و عرفاني
سمعها من زمان و سمعاني
في قصيدة ولا اغاني
و مالاخر..
كل كلامكم ولا يحلالي
هو سؤال واحد على بالي
ازاي يرجع حقنا تاني
مش بالاحلام ولا باماني
كلام جميل تقوله علشاني
المعجزات مش فزماني
ولا في مولد الدراويش تلقاني
انا مصر كلها عنواني
نقول تاني
يا سيادة المرشح الفلاني
قبلك ظالم اتعمد ينساني
ينسى طريقي و ينسى مكاني
يقول خطابك مش لازماني
ولا قراراته كانت هماني
والفول..
حبوب منع الفهم رمالي
اتحكم فيا، حتى فمالي
شكوى معيشتي كانت تعباني
وازعق ليل و نهار اه ياني
كان بيقول محدود الدخل
همومه هماني
لحد مابعت هدومي و عراني
لكن الشكوى لغير الله كانت زلاني
مش هطاطي لمخلوق تاني
يبقى بعدل الله تحكمنا و تكون حقاني
و ان حسينا بظلمك انت التاني
يبقى كلك حلال لساني
ولا عظامك هتبقى لناري هي عيداني
لازم تعرف ان المجني عليه
هيبقى الجاني
وان مفهمتش اقصد ايه
.... نقول تاني
No comments:
Post a Comment